o kama pona lon lipu ni. nimi mi li Kosalala. mi kama sona e toki pona e toki Tosi. mi ken toki e toki Katala e toki Epanja e toki Inli e toki Italija.
tenpo suno ni li open e tenpo esun.
tenpo ni en tenpo pini li sama. tenpo li sike.
mi wawa lili.
mi pali lili.
mi seli e moku.
mi moku lili.
jan olin mi li sijelo ike.
ona li pilin ike.
ona li pilin ike tawa mi.
kasi mi li suli pona.
kasi li kasi nasa.
tenpo pini la, telo li tan sewi.
tenpo suno ni li open e tenpo esun.
tenpo suno musi pini la, mi, en jan olin mi, en jan pona mute li tawa kulupu musi.
mi wile ala tawa kulupu musi, tan wawa ala.
mi musi ala.
jan olin li pilin ike tawa mi.
mi pilin ala.
mi sona ala. mi sona ala e tenpo kama la, jan olin pilin ike.
mi wile e ni: mi tu li toki pona.
mi pilin ike. mi musi.
tenpo suno ni la, mi pilin ike. mi pana e telo lukin.
jan olin mi li toki e ni: sina pana e telo lukin tan seme?
mi toki e ni: mi pilin ike.
ona li toki e ni: pilin ike li ike ala!
mi musi tan ni. a a a a a a a a!
mi sona ala e ni: toki ni li nasa anu sona suli?
tenpo ni la, mi musi ala.
lipu musi li musi ala tawa mi.
mi wile pali e ala.
mi wawa ala.
musi utala pi kiwen walo en kiwen pimeja
li pona tawa mi.
musi utala ni la, mi pilin mute.
musi utala ni la, mi toki insa.
tenpo kama la, mi tawa tomo pi kama sona pi musi utala ni.
tenpo suno pini, la ale li ike tawa mi.
jan olin li pilin ike.
ona li sitelen toki tawa mi.
mi li sitelen toki tawa ona.
toki ni li ike. mi pilin ike.
pilin mi li wawa ala.
kon mi li lawa mi li ike sijelo.
tenpo pimeja, la mi wile lape. mi lape ala.
mi lukin e ilo pi sitelen tawa.
tenpo ni, la ale li kama pona.
mi olin mute e jan olin.
tenpo ni, la kasi li pali e kasi kule lon ma mi.
kasi kule li walo. kasi kule li loje walo.
pilin mi, la mi lon ma Nipon.
tenpo pini, la mi tawa esun pi ilo sitelen lon ma tomo Pasalona. mije esun li pana e ilo sitelen mi tawa mi.
mi kepeken e ilo sitelen. taso, ilo sitelen li awen pakala! mi pilin ike a! pakala sama tenpo pini.
mi tawa esun. wile mi la mije li pona e ilo sitelen. taso, mi sona ala e ni: ni li ken ala ken.
tenpo suno ni, la mun li pona lukin. mi pali e sitelen ni. ilo sitelen li pona tawa mi.
mi jo e ilo sitelen mute. tenpo suno pini, la ilo sitelen mi wan li pakala. tenpo sike mute la ilo sitelen ona li lon. mi tawa esun pi ilo sitelen lon ma tomo Pasalona. ilo sitelen mi li awen lon. mije esun li pona e ona.
